11–14 қараша аралығында Туран-Асиана университетінде Ұлттық валюта күніне арналған «Бизнес және әкімшілендіру» кафедрасының апталығы өтеді.

Апта бойы студенттер мен оқытушыларды қаржылық сауаттылық пен болашақ мамандардың практикалық дағдыларын дамытуға бағытталған іскерлік ойындар, пікірталастар және танымдық іс-шаралардан тұратын мазмұнды бағдарлама күтеді.

Апта аясында келесі іс-шаралар ұйымдастырылады:

Басқарушылық және стратегиялық дағдыларды қалыптастыруға бағытталған «Кәсіпорын» іскерлік ойыны;

Білім мен қаржының табысқа жетудегі рөлін талқылайтын «Қаржы мен білім — табыстың кепілі» атты дөңгелек үстел;

«Алдағы 5 жылда жұмыс қалай өзгереді және неге тез үйренетіндер ұтады» тақырыбындағы қонақ дәрісі;

Қазақстан Республикасының Ұлттық музейіне экскурсия, онда қатысушылар ұлттық валюта залына барып, теңгенің қалыптасу және даму тарихымен танысады;

Аналитикалық ойлау мен командада жұмыс істеу қабілеттерін дамытуға бағытталған «Қаржы білгірлері» / «Знатоки финансов» атты іскерлік ойыны.

Кафедра апталығы — бұл еліміздің тарихындағы маңызды күнді атап өтумен қатар, студенттерге бастама көтеріп, идеялармен алмасып, алған білімдерін іс жүзінде қолдануға мүмкіндік беретін алаң.

Кафедра апталығы бизнес, қаржы және кәсіби даму тақырыптарында студенттерді, оқытушыларды және университет қонақтарын біріктіретін жарқын әрі танымдық шара болмақ.