«Тұран-Астана» университетінде «Заң мен тәртіп: қоғамдық өмір нормалары және азаматтардың жауапкершілігі» тақырыбында ашық дәріс өтті
Бүгін, 30 қыркүйекте «Тұран-Астана» университетінің бірінші курс студенттері үшін қазіргі қазақстандық қоғамдағы құқықтық мәдениетке, конституциялық реформаларға және «Заң мен тәртіп» қағидатына арналған мазмұнды дәріс өтті. Шара жастардың құқықтық санасы мен азаматтық жауапкершілігін қалыптастыруға бағытталған танымдық және тәрбиелік кездесулер топтамасы аясында ұйымдастырылды.
Жаңа Қазақстанды қалыптастыру жағдайында «Заң және Тәртіп» қағидаты тек құқықтық санат қана емес, сонымен бірге маңызды қоғамдық құндылыққа айналуда, өйткені оның мазмұны құқық бұзушылықпен күресу шеңберінен әлдеқайда кең.
Бірінші курс студенттерінің алдында шақырылған сарапшылар ретінде Астана қаласы мәслихатының VII шақырылымының депутаты Бақдәулет Жанділдаев, кәсіби медиатор Жанар Түсіпбекова және Қазақстанның Азаматтық альянсының вице-президенті, «Eurasian Expert Council» президенті, «Белсенді Азамат» қорының жетекшісі Гамал Түзелбаев сөз сөйледі.
Университеттің проректоры Сағат Нұрпейісов атап өткендей, мұндай кездесулер жастар тәрбиесінде шешуші рөл атқарады: «Студенттердің құқықтық мәдениеті мен саналы азаматтық позициясын қалыптастыру — еліміздің тұрақты әрі әділ болашағының кепілі».
Дәріс барысында сарапшылар елдегі ауқымды өзгерістердің өзектілігіне егжей-тегжейлі тоқталып, Әділетті Қазақстанды құрудың, демократиялық институттарды нығайтудың және шынайы халықтық биліктің берік негізін қалайтын жаңа Конституция мен конституциялық реформалардың маңыздылығын атап өтті. Мемлекеттің Негізгі Заңы әрбір азаматтың құқықтары мен бостандықтарын сенімді қорғауды қамтамасыз ете отырып, қоғамның сұраныстарымен бірге дамып келе жатқаны тілге тиек етілді.
Талқылаудың маңызды бөлігі ретінде дауларды соттан тыс реттеудің заманауи әрі ізгілікті құралы ретіндегі медиация институтының рөлі қаралды. Сарапшылар студенттерге құқықтық мемлекетте диалог, ымыраға келу және татуласу мәдениеті неліктен басымдыққа ие болып жатқанын түсіндірді, бұл сотқа жүгінбей-ақ қоғамдағы жанжал деңгейін тиімді төмендетуге мүмкіндік береді.
Азаматтық секторды дамыту мен қоғамдық кеңестер институтына ерекше назар аударылды. Сарапшылар қоғамдық кеңестер мемлекет пен халық арасындағы маңызды алтын көпір қызметін атқарып, ашық диалогты, шешімдер қабылдаудың айқындылығын және мемлекеттік органдардың қызметіне қоғамдық бақылауды қамтамасыз ететінін баса айтты. Жастарды бұл жұмысқа тарту - жергілікті және мемлекеттік деңгейде маңызды шешімдердің қабылдануына ықпал етудің нақты мүмкіндігі.
Бұл тақырып аудиторияның үлкен қызығушылығын тудырды: студенттер диалогқа белсенді араласып, заңнама негіздері, дауларды шешу, мемлекеттік құрылым және тұлғалық даму туралы терең сұрақтар қойды, осылайша дәріс форматы ашық әрі мазмұнды пікірталасқа ұласты.
Мұндай іс-шараларды өткізу студент жастар арасында құқықтық мәдениетті нығайтуға ықпал етеді, бірінші курс студенттеріне заңдылық пен құқықтық тәртіп қағидаттарының маңыздылығын ұғынуға көмектеседі, өйткені университет - ашық диалог пен жауапты азаматтардың жаңа буынын қалыптастыратын бірегей алаң.
