Тұран-Астана Университетінде Болысов Тохтар мен Ерниязова Айсулумен кездесу өтті
Тұран-Астана Университетінде Болысов Тохтар мен Ерниязова Айсулумен кездесу өтті
8 қараша 2024 жылы Тұран-Астана Университетінің акт залында маңызды кездесу өтті. Университетіміздің студенттері мен оқытушыларына ерекше мүмкіндік ұсынылды. Жоғары білім және ғылым министрлігінің кеңесшісі Болысов Тохтар мен Қазақстанның Ұлттық ғылыми-зерттеу жастар орталығының директоры Ерниязова Айсулу қонақтарымыз болды.
Бұл кездесу білім алушыларға кәсіби дамудың жолдары мен мүмкіндіктері туралы маңызды ақпарат берді. Болысов Тохтар студенттерге жоғары білім саласындағы өзекті мәселелерді түсіндіріп, жастардың болашақта өз орнын табуға көмектесетін көптеген пайдалы кеңестер ұсынды. Сонымен қатар Ерниязова Айсулу жастар саясаты мен ғылыми зерттеулер саласындағы жаңашылдықтар мен бастамалар туралы айтып берді.
Кездесу барысында қатысушылар болашақта табысты мансап құру, пайдалы байланыстар орнату және кәсіби даму жолында қандай қадамдар жасау керек екені туралы сұрақтар қойып нақты жауаптар алды. Бұл шара студенттерге өз білімдері мен дағдыларын арттыру, жаңа мүмкіндіктерді зерттеу үшін өте пайдалы болды.
Тұран-Астана Университеті осындай маңызды кездесулерді ұйымдастыру арқылы студенттерінің кәсіби өсуіне зор үлес қосуда. Біз келешекте де осындай іс-шараларды өткізуді жоспарлап отырмыз.