БАӘ-дегі Skyline университеті колледжімен ынтымақтастық туралы меморандумға қол қойылды

27.02.2025 Тұран-Астана университеті мен Біріккен Араб Әмірліктерінің Шарджа қаласында орналасқан Skyline университеті колледжі арасында ынтымақтастық туралы меморандумға қол қою рәсімі өтті. Іс-шараға екі оқу орнының ректорлары, халықаралық ынтымақтастық бөлімдері қатысып, стратегиялық жоспарлар туралы ақпаратпен алмасты және болашақтағы серіктестіктің перспективаларын талқылады.

Қол қою рәсімі онлайн форматта өтті. Меморандум аясында студенттер мен оқытушыларға арналған академиялық мобильділік бағдарламаларын жүзеге асыру, ғылыми конференцияларға бірлесіп қатысу және ғылыми мақалаларды бірге жариялау жоспарлануда.

ТАУ ректоры Жапарова Г.А. халықаралық ынтымақтастық жоғары білім беруді дамытуда маңызды рөл атқаратынын атап өтті, өйткені ол студенттер мен оқытушыларға кәсіби және академиялық тұрғыдан өсу үшін жаңа мүмкіндіктер ашады. Skyline университеті колледжінің вице-канцлері өз кезегінде бұл серіктестік екі оқу мекемесі арасындағы ғылыми және білім беру байланыстарын нығайтудағы маңызды қадам болатынын атап өтті.

Қол қойылған меморандум нәтижелі ынтымақтастыққа жол ашып, білім мен тәжірибе алмасуға елеулі ықпал ететініне сенімдіміз.