Жас ғалымдар кеңесі

ЖАС ҒАЛЫМДАР КЕҢЕСІ

«TAU University» Жас ғалымдар кеңесі — университеттің ғылыми және білім беру бөлімшелерінің (факультеттер мен кафедралардың) өкілдерінің жастар бірлестігі болып табылатын, тұрақты жұмыс істейтін үйлестіруші және консультативтік қоғамдық орган.

Кеңес жас ғалымдарды біріктіру, олардың біліктілігін арттыру және кәсіби өсуіне жәрдемдесу, отандық ғылым мен жоғары білім саласындағы сабақтастықты қамтамасыз ету, жас ғалымдарды басым іргелі және қолданбалы ғылыми зерттеулерге интеграциялау, сондай-ақ жас ғалымдардың кәсіби қызмет саласындағы құқықтары мен мүдделерін қорғау және олардың әлеуметтік-тұрмыстық мәселелерін шешуге көмек көрсету мақсатында құрылған.

«TAU University» ЖҒК негізгі қызмет бағыттары:

• TAU University жас ғалымдарының, оқытушыларының, магистранттары мен докторанттарының қызметін үйлестіру;
• TAU University әкімшілігіне жастар саясатын қалыптастыру және іске асыруда жәрдемдесу.

2025–2026 оқу жылына арналған ҒЗЖ мақсаты мен міндеттері

TAU ғылыми-зерттеу қызметінің мақсаты — Білім және ғылымды дамытудың 2020–2026 жылдарға арналған мемлекеттік бағдарламасының негізгі көрсеткіштерінің іске асырылуын қамтамасыз ету және ғылымды дамытудың 2021–2026 жылдарға арналған 10 басым бағытының іске асырылуын қамтамасыз ету.

1. «Су ресурстарын, жануарлар мен өсімдіктер әлемін тиімді пайдалану, экология»;
2. «Геология, минералды және көмірсутекті шикізатты өндіру және қайта өңдеу, жаңа материалдар, технологиялар, қауіпсіз бұйымдар мен конструкциялар»;
3. «Энергетика және машинажасау»;
4. «Ақпараттық, коммуникациялық және ғарыштық технологиялар»;
5. «Жаратылыстану ғылымдары саласындағы ғылыми зерттеулер»;
6. «Өмір және денсаулық туралы ғылым»;
7. «Білім және ғылым саласындағы зерттеулер»;
8. «Әлеуметтік және гуманитарлық ғылымдар саласындағы зерттеулер»;
9. «Агроөнеркәсіптік кешенді тұрақты дамыту және ауыл шаруашылығы өнімінің қауіпсіздігі»;
10. «Ұлттық қауіпсіздік және қорғаныс».