Қош келдіңіз!
"Тұран-Астана" университеті 25 жылдан астам тарихы бар, гуманитарлық-экономикалық бейін, дизайн және туризм білім беру бағдарламалары бойынша кадрлар даярлайтын өңірдегі ең ірі жоғары оқу орындарының бірі.
"Тұран-Астана" университетінің негізі 1998 жылы 15 мамырда қаланды, мамандар даярлау қазақ және орыс тілдерінде жүргізіледі, оқыту нысаны – күндізгі.
Білім беру қызметін жүргізуге арналған мемлекеттік лицензия туралы № 0137367 куәлік 29.12.2014 ж. алынды.
"Тұран-Астана" университеті ел экономикасының барлық салалары үшін кәсіпкерлік тұрғыда ойлай алатын жаңа жүйедегі кадрларды даярлауға бағытталған.
"Тұран-Астана" университеті Қазақстан Республикасының жоғары білім беру ұйымдары арасында үлкен беделге ие, жоғары оқу орындары мен білім беру бағдарламаларының ұлттық және халықаралық рейтингтерінде алдыңғы қатарда. Жыл сайын "Тұран-Астана" университеті ҚР тәуелсіз аккредиттеу және рейтинг агенттігінің (IAAR) ҚР жоғары оқу орындарының бас рейтингісінде ЖОО рейтингінің нәтижелері бойынша ҚР үздік 20 жоғары оқу орнының қатарына кіреді.
Білім берудегі сапаны қамтамасыз ету жөніндегі тәуелсіз агенттік (IQAA-Ranking) өткізетін Қазақстанның үздік гуманитарлық-экономикалық жоғары оқу орындарының ұлттық рейтингісінде "Тұран-Астана" университеті ҚР үздік жоғары оқу орындарының ондығына кіреді, 2022 жылы біз 4-орынды иелендік.
2022 жылғы Ұлттық бизнес–рейтинг қорытындысы бойынша "Тұран-Астана" университеті "Лидер-Көшбасшы-Leader.KZ” деген құрметті атаққа ие болды және Астана қаласы және жалпы Қазақстан Республикасы бойынша кәсіпорындар арасында (ЭҚЖЖ - 85.42.1 Жоғары білім) "Мемлекеттік бюджетке қосқан үлесі үшін" көрсеткіші бойынша бірінші орынды иеленді.
Біздің мақтанышымыз - біздің профессор-оқытушыларымыз. Олар: ҚР Білім беру ісінің үздіктері, Қазақстан Республикасының тұңғыш ұшқыш-ғарышкері, ұлт қаһарманы, "Ақпараттық технологиялар" кафедрасының профессоры Т.О. Әубәкіров; филология ғылымдарының докторы, профессор К.М. Әбішева; ҚР Өнер академиясының академигі, ҚР еңбек сіңірген қайраткері, Ресей Өнер академиясының құрметті мүшесі Е.С. Айтуаров; Қазақстанның еңбек сіңірген қайраткері, ҚР Суретшілер Одағының және Еуразиялық көркемсурет одағының құрметті мүшесі, белгілі кескіндеме шебері Жанұзақ Мұсапір. Оның жұмысы ҚР Ұлттық музейінде, музей қорларында және әлемнің 30-дан астам еліндегі (атап айтсақ, Қытай, Польша, Германия, Ресей және т.б.) коллекционерлердің жеке мұрағаттарында тұр. "Бизнес және әкімшілік" кафедрасының профессоры, "ЖОО үздік оқытушысы - 2021" байқауының жеңімпазы Б. М. Ысқақов және тағы басқаларды атап өтуге болады.
Интернационалдандыру - "Тұран-Астана" университеті стратегиясының негізгі басымдықтарының бірі. Бізде әлемнің үздік университеттерімен ынтымақтастық пен серіктестік байланыс орнатылған, атап айтсақ Варна университеті (Болгария); Компультенсе университеті (Испания); Слупскідегі Померан академиясы (Польша); Бинали Йылдырым атындағы Эрзинджан университеті (Түркия); ЛУМ Казамассима-Бари Университеті (Италия); бизнес және халықаралық зерттеулер университеті (Швейцария); А.С. Пушкин атындағы Ленинград мемлекеттік университеті (РФ); Кодолани Янош университеті (Венгрия); Быдгощ қаласындағы Экономика университеті (Польша); Чаньань университеті (Қытай); солтүстік-батыс саяси ғылымдар және құқық университеті (Қытай); Алба Юлия (Румыния).
Сондай-ақ біздің оқытушылар құрамында Германия, Испания, Түркия, Ресей, Беларусь, Польша, Қытайдың жетекші шетелдік профессорлары да бар.
Біздің университеттің білім алушылары Түркия, Қытай, Моңғолия, Өзбекстан, Қырғызстан, Әзірбайжан, Беларусь және т.б. көптеген елдердің өкілдері болып табылады.
"Тұран-Астана" университеті білім беру бағдарламаларын табысты іске асыру үшін қажетті инфрақұрылымға ие, ЖОО-да ғылыми зерттеулер жүргізу үшін барлық жағдай жасалынған, студенттердің кәсіпкерлік дағдыларын дамытуға арналған мамандандырылған зертханалар бар, оқу орталықтарының қызметі жұмыс жасайды; студенттерді оқуға баулу мен өз бетінше білім алу үшін кітапхана-ақпараттық орталығы, оқу залдары, дене шынықтырумен айналысу үшін заманауи спорт құралдарымен жабдықталған үлкен спорт залдары мен студенттерге арналған жатақхана бар.
Университет бүгінге дейін 20 000-нан астам маман дайындап шығарды, олардың ішінде Қазақстан Республикасының қоғам және мемлекет қайраткерлері, белгілі медиа тұлғалар мен табысты кәсіпкерлер бар.
"Тұран-Астана" университеті түлектерінің қауымдастығы" қоғамдық бірлестігі студенттерге әрқашан қолдау беруде. Атап айтсақ, ата-анасынан айрылған студенттерге шәкіртақылар тағайындап, тегін түскі ас беру сияқты белсенді қолдау көрсетіп келеді. Бұл түлектердің еңбек нарығында сұранысын арттыруға, олардың табысты жұмысқа орналасуына немесе оқуды бітіргеннен кейін келесі деңгейде білім алуын жалғастыруға ықпал етеді.
Біз "Тұран-Астана" университетімен мақтанамыз және біздің қызметіміз ортақ миссиямызды дамытуға, атап айтқанда, тамаша білім беруге және инновациялар мен зерттеулерді қолдауға әкелетініне сенімдіміз.
Біз өткенімізді мақтан тұтамыз және осы тәжірибені студенттерге, қоғамға және жалпы әлемге қызмет ететін білім беру болашағын құру үшін пайдалануға дайынбыз!
-
Жұмысқа орналастыру
-
Академиялық мобильділік
-
30 грантов Т. Аубакирова и 30 грантов Ректор
-
Жастар кәсіпкерлігін дамытамыз
-
Жақсы жабдықталған жатақхана
-
Шығармашылық өзін-өзі тану