Ғылыми және оқу аудармасының сапасын бағалау мәселелері бойынша дөңгелек үстел

 2024 жылдың 27 қыркүйегінде "Тұран-Астана" университетінің Әлеуметтік-гуманитарлық ғылымдар және тілдік пәндер кафедрасында Қазақстан Республикасы Ғылым және жоғары білім министрлігінің (ҚР ҰӘҚ) гранттық қаржыландыруы бойынша Абай атындағы Қазақ педагогикалық университетінің (ҚазҰПУ)  ғылыми жобасы аясында ұйымдастырылған дөңгелек үстел өтті. 

 Іс-шараның тақырыбы "Аударма сапасын бағалау: ғылыми және оқу саласы". Дөңгелек үстелдің мақсаты академиялық және оқыту барысындағы аударма сапасын бағалау әдістемесі мен проблемаларын талқылау болды. Дөңгелек үстелге кафедра  меңгеруші А.Б. Донбаева мен оқытушылар А. Е. Заркешова, М. А. Ыдырысова, Ш. С. Сағидуллина, А. Е. Толкимбекова, А. Б. Әбілдина  Г. А. Хасенова және студенттер мен магистранттар қатысты.

Жоба жетекшісі, филология ғылымдарының докторы, профессор А.К. Жұмабекова мен жоба қатысушысы магистр А. З. Мұхитов баяндама жасады. Профессор А.К. Жұмабекова өз сөзінде аудармашы құзыретінің сапасын бағалау мен аяқталған аударманың сапасын бағалау арасындағы айырмашылықтарға назар аударды. Бұл мәселе дөңгелек үстелге қатысушылар үшін де өзекті тақырып болды, себебі ол жазбаша аударма саласындағы мамандарды даярлаудағы маңызды аспектілерді қозғайды. "Аударма ісі" мамандығының студенттері талқылауға белсенді қатысып, спикерлерге  мәлімделген тақырыптардың өзектілігін растайтын мағыналы сұрақтар қойды.

Сонымен қатар, ғылыми жобаға қатысушылар ілеспе аударма бойынша практикалық сабақтарға қатысып, аударманың осы түрінің сапасын бағалау мәселелерін талқылады. Сабақ барысында дәлдік, қарқын, синхронды берілу жағдайларына бейімделу және бастапқы күйдегі өзгерістерге жауап беру сияқты көптеген аспектілер қарастырылды.

 Дөңгелек үстел оқытушылар мен студенттер арасында пікір алмасудың маңызды алаңына айналды, ғылыми пікірталастың дамуына әрі ғылыми және оқу барысында аударма сапасын бағалаудың тұрақты әдістемесіне ықпал етті.