Jastar Jalyny-2024: Тұран-Астана Университеті Жеңіске Жетті!

Jastar Jalyny-2024: Тұран-Астана Университеті Жеңіске Жетті!

5 қарашада «Жастар Сарайында» өткен Jastar Jalyny-2024 байқауы жас таланттарды жинап, тамаша атмосфера тудырды. Эстрада, халық билері мен заманауи билер сияқты бағыттар ұсынылып, әр қатысушы өз өнерімен көзге түсті. Тұран-Астана Университеті байқауға белсене қатысып, студенттеріміз өз таланттарын толыққанды көрсете білді.

Қолдас Дінмұхаммедтің «Эстрада» номинациясындағы бірінші орын алуы ерекше қуаныш сыйлады. Оның өнері тек көрермендерді ғана емес, қазылар алқасын да таңғалдырды. Бұл жеңіс университетіміз үшін үлкен маңызға ие. Дінмұхаммедтің алтын медаль әкелгені үшін алғыс айтамыз және болашақта одан да үлкен жетістіктер күтудеміз.

Jastar Jalyny-2024 ұйымдастырушыларына тамаша іс-шараны өткізгені үшін алғыс білдіреміз. Байқау жоғары деңгейде өтті және ол қатысушылар мен көрермендер үшін ұмытылмас әсер қалдырды. Біз келесі кезеңдерге үлкен үмітпен қараймыз.

​

Тұран-Астана Университеті әрі қарай да өнер мен білім саласында өз жетістіктерін арттырып, жаңа биіктерге жететініне сенімдіміз.