«Екі жұлдыз» конкурсы

«Тұран-Астана» университетінде «Екі жұлдыз» байқауы өтті.

Байқауға «Тұран-Астана» университетінің оқытушылары мен студенттерінен құралған жұлдызды дуэттер қатысты!

Наурыз мерекесіне арналған байқау жаңадан шыққан жарқын таланттарды анықтауға, студенттерді рухани-адамгершілікке тәрбиелеуге, Қазақстан халықтарының мәдени мұрасын сақтауға ықпал етті.

Байқау қорытындысы бойынша қазылар алқасы өз шешімін қабылдады:

1 орынды және «Көрермен көзайымы» номинациясын «Экономика және инновациялық бизнес» кафедрасының аға оқытушысы Жоламан Ұлжан Шорақызы және 1 курс студенті Тілеулесов Әділхан;

2-орынды т.ғ.к., профессор Нүспеков Ерболат Лязатұлына және 2-курс студенті Маржан Ташимова;

3 орынды «Педагогика және психология» кафедрасының оқытушысы Исмаил Өмірзақ Рахымұлы мен 1 курс магистранты Қуандықова Айымгүл жеңіп алды.

Қалған қатысушылар алғыс хаттармен марапатталды.

Байқауды бизнес және ақпараттық технологиялар факультеті ұйымдастырды.

Жеңімпаздарымызды құттықтаймыз! Сіздерге шығармашылық табыстар мен жеңістер тілейміз!

Наурыз мейрамы құтты болсын!