Құрметті ұстаздар, білім алушылар, отандастар!

Сіздерді Қазақстан Республикасының Тәуелсіздік күнімен шын жүректен құттықтаймын!

Бүгінде Қазақстан-тұрақтылықтың, бейбітшілік пен өркендеудің символы. Біз түрлі ұлттар мен олардың мәдениетін бағалай отырып, болашаққа татулықпен қадам басудамыз.

Бұл күн - ата-бабаларымыздың аңсаған арманы жүзеге асқан, азаттықтың туы желбіреген ерекше мереке. Еліміздің егемендігі мен тәуелсіздігін сақтау - біздің ортақ міндетіміз.

Осы ұлы күнде баршаңызға зор денсаулық, отбасыңызға амандық, елімізге бейбітшілік пен тұрақтылық тілеймін. Қазақстанымыз гүлденіп, жарқын болашаққа жол бастай берсін!

Тәуелсіздігіміз мәңгілік болсын!

Құрметпен,

«Тұран-Астана» университетінің ректоры

Жапарова Гүлжамал Әлкенқызы