Erasmus+
Erasmus+ туралы
Erasmus+ – бұл 1987 жылы құрылған білім беру, кәсіптік даярлау, жастар және спорт салаларын қолдауға бағытталған Еуропалық Одақтың (ЕО) бағдарламасы. 2021–2027 жылдарға арналған Erasmus+ бағдарламасы әлеуметтік интеграцияға, экологиялық және цифрлық трансформацияларға, сондай-ақ жастардың демократиялық өмірге қатысуын ынталандыруға ерекше көңіл бөледі. Бағдарлама ЕО мен әлемнің басқа елдері арасындағы ынтымақтастықты нығайтуды жалғастыруда.
Бағдарлама атауы Қайта өрлеу дәуірінің көрнекті голландиялық ғалымы, философы және оқытушысы Эразм Роттердамскийдің есімімен байланысты. Ол әртүрлі университеттерде білім беру және оқу үшін Еуропаны аралаған. Сонымен қатар, Erasmus сөзі – бұл «Еуропалық қоғамдастықтың университет студенттерінің мобильділігін арттыруға арналған іс-қимыл бағдарламасы» (ағылш. European Region Action Scheme for the Mobility of University Students) дегенді білдіретін бэкроним.
Бағдарламаның жалпы мақсаты
Өмір бойы білім алу арқылы білім беру, кадрларды даярлау, жастар және спорт салаларында адамдардың білімдік, кәсіби және тұлғалық дамуын қолдау. Бұл тұрақты экономикалық өсімге, сапалы жұмыс орындарын құруға, әлеуметтік бірлікті қамтамасыз етуге, инновацияларды ынталандыруға, еуропалық бірегейлікті нығайтуға және белсенді азаматтық ұстанымды қалыптастыруға ықпал етеді.
Бағдарламаның бюджеті 2021–2027 жылдар аралығында 26,2 млрд еуроны құрайды, бұл алдыңғы кезеңмен (2014–2020 жж.) салыстырғанда екі есе көп.
«Тұран-Астана» университеті студенттер мен оқытушыларға Erasmus+ халықаралық бағдарламасына қатысу мүмкіндігін ұсынады. Бұл бағдарлама Еуропаның жетекші университеттерінде білім алуға, тағылымдамадан өтуге және академиялық алмасуға жол ашады.
Erasmus+ – халықаралық тәжірибе жинақтауға, кәсіби көкжиекті кеңейтуге және жаһандық білім беру кеңістігінің бір бөлігі болуға мүмкіндік береді.
«Тұран-Астана» университеті Erasmus+ бағдарламасы аясында халықаралық ынтымақтастық пен академиялық ұтқырлықты белсенді түрде дамытып келеді.
Университеттің негізгі серіктестерінің бірі – Kodolányi János University (Венгрия). Осы университетпен 2024–2027 жылдарға арналған халықаралық кредиттік ұтқырлық (ICM) жобасы табысты жүзеге асырылуда.
Студенттер мен оқытушыларға арналған мүмкіндіктер
Бағдарламаға қатысу келесі мүмкіндіктерді ұсынады:
- еуропалық білім беру ортасында оқу
- кәсіби және мәдениаралық құзыреттерді дамыту
- заманауи білім беру ресурстарына қол жеткізу
- академиялық және ғылыми байланыстарды кеңейту