Жазғы семестр

TAU-дағы жазғы семестр

Жазғы семестр - студенттерге оқу үлгерімін жақсартуға, академиялық қарыздарын өтеуге және жазғы демалыс кезеңінде қосымша пәндерді меңгеруге мүмкіндік беретін қосымша оқу кезеңі.

1. Жазғы семестр не үшін қажет?

Жазғы семестр келесі мүмкіндіктерді ұсынады:

Үлгерімнің орташа балын (GPA) көтеру;
Академиялық қарыздарды жою;
Оқу жоспарларындағы пәндер айырмашылығын жою;
Қосымша пәндерді оқып, қажетті кредиттерді жинақтау;
Қосымша немесе сабақтас білім беру бағдарламаларын, соның ішінде қос дипломды білім беру бағдарламалары аясында меңгеру.

2. Жазғы семестрде кімдер оқи алады?

Жазғы семестрге бітіруші курстан басқа барлық курс студенттері қатыса алады.

Сонымен қатар, TAU Астана қаласының, Қазақстанның басқа өңірлерінің және шетелдік жоғары оқу орындарының студенттерін жазғы семестрде оқуға шақырады.

3. Қандай білім беру бағдарламалары бойынша жазғы семестрден өтуге болады?

Жазғы семестр TAU білім беру бағдарламалары бойынша студенттердің өтініштері негізінде ұйымдастырылады. Оқу топтары келіп түскен өтініштер санына қарай қалыптастырылады.

Оқу ақылы негізде жүргізіледі. Оқу ақысы бір кредиттің құны бойынша есептеледі.

4. Өтінішті қай күнге дейін беру қажет?

Жазғы семестрге қатысуға арналған өтініштер 20 мамырға дейін қабылданады.

Құжаттарды тапсыру тәртібі туралы қосымша ақпаратты деканаттардан алуға болады.

5. Жазғы семестр қашан басталады және қанша уақытқа созылады?

Жазғы семестр 1 маусымнан басталады және академиялық күнтізбеге сәйкес өткізіледі.

Оқу ұзақтығы пән мен білім беру бағдарламасына байланысты 6 апта немесе одан да көп уақытты құрайды.

Мысалы, алты апталық оқу кезеңінде 5 апта теориялық оқуға, ал 1 апта қорытынды бақылау мен емтихандарға бөлінеді.

6. Жазғы семестрде қанша кредит жинауға болады?

Студент жазғы семестр аясында жалпы көлемі 30 кредиттен аспайтын пәндерге тіркеле алады.

7. Жазғы семестрдің сабақ кестесін қайдан білуге болады?

Сабақ кестесін кафедрадан алуға болады. Оқу пәндерді ағымдық (потоктық) оқыту қағидаты бойынша ұйымдастырылады.

8. Жазғы семестрге қалай тіркелуге болады?

Жазғы семестрге қатысу үшін Тіркеуші офисіне (Office of the Registrar) өтініш беру қажет. Өтініш қаралғаннан кейін студентке келесі қадамдар туралы ақпарат беріледі.

Басқа жоғары оқу орындарының студенттерін шақырамыз!

TAU Астана қаласының, Қазақстанның басқа өңірлерінің және шетелдік жоғары оқу орындарының студенттерін жазғы семестр аясында білім алуға шақырады.

Байланыс ақпараты

Мекенжайы: В корпусы, В101 кабинет
Телефон: 8-717-644-307
Ішкі нөмірі: 1019
Электрондық пошта: gribincha@tau-edu.kz