Ғылыми кеңес
Университеттің Ғылыми кеңесі өз қызметінде Қазақстан Республикасының Конституциясын, Қазақстан Республикасының «Білім туралы», «Ғылым туралы» Заңдарын, Қазақстан Республикасы Үкіметінің қаулылары мен шешімдерін; Қазақстан Республикасы Ғылым және жоғары білім министрлігінің нормативтік құжаттарын; Университет Жарғысын; Ғылыми кеңес шешімдерін; Ректордың және ол уәкілеттік берген өзге де тұлғалардың бұйрықтары мен өкімдерін; ішкі нормативтік құжаттарды және
Ғылыми кеңес туралы ережені басшылыққа алады.
Ғылыми кеңестің қызметі оның құзыретіне кіретін мәселелерді ұжымдық талқылаудың жариялылығына негізделеді.
Ғылыми кеңес төрағасы – ректор Джапарова Гүлжамал Әлкенқызы.
Төраға орынбасары – бірінші проректор Әбдіров Айтжан Мұхамеджанұлы.
Ғылыми хатшы – Айкенова Рыскелді Айкенқызы.
Ғылыми кеңес өз жұмысын оқу жылына арналған бекітілген жұмыс жоспары негізінде ұйымдастырады. Ғылыми кеңестің отырыстары тиісті оқу жылына арналған бекітілген жұмыс жоспарына сәйкес ай сайын өткізіледі және хаттамаланады.
Ғылыми кеңес қызметінің мақсаты:
Кәсіптік оқу бағдарламаларын табысты іске асыру мақсатында университет білім алушылары мен профессор-оқытушылар құрамы үшін қажетті жағдайлар жасау;
Қаржылық қолдауды қамтамасыз ету, жоғары оқу орнының материалдық-техникалық базасын нығайту;
Университеттің одан әрі дамуына ықпал ету.
Ғылыми кеңестің құзыретіне келесі мәселелер жатады:
Университет құрылымын бекіту;
Университет Жарғысына өзгерістер мен толықтырулар енгізу;
Жоғары оқу орнының оқу және ғылыми бөлімшелерін (зертханалар, кафедралар, Жоғары мектептер және т.б.) құру, қайта ұйымдастыру және тарату;
TAU даму стратегиясын айқындау;
TAU-дың оқу-тәрбие, ғылыми-зерттеу және шаруашылық қызметін ұйымдастырудың барлық негізгі мәселелері бойынша шешімдер қабылдау;
Ректордың, проректорлардың, құрылымдық бөлімшелер басшыларының оқу, ғылыми-зерттеу, тәрбие, қаржы, шаруашылық, ақпараттық және халықаралық қызметті жүргізу нысандары мен әдістері туралы жыл сайынғы есептерін тыңдау;
Монографияларды, оқулықтарды, оқу құралдары мен оқу-әдістемелік талдамаларды қарастыру және баспаға ұсыну;
Студенттерді ақылы бөлімнен білім беру грантына және экстернат нысанында оқытуға ауыстыру туралы шешімдер қабылдау;
Магистранттардың тақырыптары мен ғылыми жетекшілерін, докторанттардың диссертациялық зерттеулері бойынша ғылыми кеңесшілерін бекіту;
TAU-дың қаржы-шаруашылық қызметін бақылауды ұйымдастыру;
Бюджеттен тыс қаражатты пайдалану тәртібін, сондай-ақ жоғары оқу орнының ақылы білім беру қызметтерін көрсету және өндірілген өнімді өткізу арқылы алатын кірістерін қайта инвестициялау бағыттарын айқындау;
Ғылыми және құрметті атақтарды, атаулы стипендиялар мен сыйлықтарды бекіту және беру;
TAU қызметкерлерін, шығармашылық ұжымдарды мемлекеттік наградалар мен құрметті атақтарға ұсыну туралы мәселелерді қарау;
Жоғары оқу орнының алқалы шешімді талап ететін ағымдағы қызметінің өзге де мәселелерін қарау.