«Тұран-Астана» Университеті орта білім беру ұйымдарының білім алушыларына арналған «TAU-InnoHub School 2027» жыл сайынғы стартап-жобалар конкурсының басталғанын хабарлайды

Конкурс кәсіпкерлік ойлауды дамытуға, инновациялық идеяларды қолдауға және мектеп оқушыларын қоғам мен экономиканың өзекті міндеттерін шешуге қабілетті жеке жобаларын құруға тартуға бағытталған.

​

Өткізу мерзімі:

2026 жылғы 21 қыркүйек – 2027 жылғы 16 сәуір

Өтінімдерді қабылдау — 2027 жылғы 15 наурызға дейін

​

Кімдер қатыса алады?

Конкурсқа Қазақстанның және басқа елдердің орта білім беру ұйымдарының 10–11 (12) сынып оқушылары қатыса алады. Конкурстық комиссияның шешімімен қатысуға 8–9 сынып оқушылары да жіберілуі мүмкін.

​        

Қатысу түрлері:

​жеке;

​команда құрамында.

​Ментор ретінде орта білім беру ұйымдарының педагог қызметкерлері қатыса алады.

​Қандай жобаларды ұсынуға болады?

Қатысуға экономика мен әлеуметтік саладағы инновациялық идеяларды, ұсыныстарды немесе шешімдерді қамтитын стартаптар мен жобалар қабылданады.

​Жобаға қойылатын талаптар:

​түпнұсқалық болып, жаңашылдық элементтерін қамтуы;

​практикалық құндылыққа ие болуы;

​идея немесе әзірлеме кезеңінде болуы;

​әрі қарай даму әлеуетінің болуы тиіс.

​Жобалардың тақырыбы кең ауқымды бағыттарды қамтуы мүмкін — жасанды интеллект пен цифрлық технологиялардан бастап медицина, білім беру, экология, әлеуметтік қолдау және мемлекеттік басқаруға дейін. Ең бастысы — шынайы мәселенің шешімін ұсыну, оның құндылығын негіздеу және практикалық жүзеге асыру мүмкіндіктерін көрсету.

​Қатысу үшін не қажет?

Қатысу үшін өтінімді электронды поштаға жіберу қажет: k.shebeko@tau-edu.kz

​Өтінім келесі құжаттарды қамтуы тиіс:

​Команда туралы мәліметтер:

​қатысушылардың тегі, аты, әкесінің аты қазақ, орыс және ағылшын тілдерінде (шетел азаматтары үшін: ағылшын немесе орыс тілінде);

​орта білім беру ұйымының атауы мен мекенжайы;

​сыныбы;

​байланыс деректері — телефон және электронды пошта.

​Жобаның сипаттамасы: көлемі 1–2 беттік стартап-жобаның сипаттамасы. Сипаттамада жобаның қандай мәселені шешетінін, ұсынылатын шешімнің мәнін және оның қандай құндылық жасайтынын анық көрсету ұсынылады.

​Жобаның презентациясы: өтінімге кейіннен қорғауға арналған стартап-жобаның презентациясын қоса беру қажет.

​Жобаны қорғау қалай өтеді?

Финалистер өз жобаларын конкурстық комиссия алдында стартап-питчинг форматында таныстырады.

​Презентация ұзақтығы — 7 минуттан аспайды.

​Конкурс ұйымдастырушыларының шешімі бойынша қашықтықтан қатысуға да болады.

​Басты сұрақтарға қысқа әрі сенімді түрде жауап бере білу маңызды:

Жоба қандай мәселені шешеді? Сіздің шешіміңіз қалай жұмыс істейді? Ол кімге арналған? Оның жаңашылдығы неде? Жоба неліктен сұранысқа ие? Оны қалай жүзеге асыруға және дамытуға болады?

​Бағалау критерийлері

Конкурстық комиссия жобаларды келесі критерийлер бойынша бағалайды:

​Идея: стартап идеясының түпнұсқалығы мен сұранысқа ие болу дәрежесі.

​Іске асыру: жобаны іске асыру моделінің негізділік дәрежесі.

​Инновациялылық: шешімнің немесе тәсілдің жаңашылдық дәрежесі.

​Команда: қуатты әрі кәсіби команданың болуы, оның тәжірибесі мен біліктілігі.

​Әлеуметтік маңыздылық: жобаның қоғамға немесе оның қолданылу саласына тигізетін әсері.

​Болашағы мен тұрақтылығы: болашақта стартапты дамыту әлеуеті.

​TAU-InnoHub School 2026 қатысушылары не көрсетті?

​TAU-InnoHub School 2026 финалына Астана, Шымкент, Тараз, Орал қалаларынан және Шалқар ауданының Қауылжыр ауылынан 21 мектеп оқушысы қатысты. Финалистер жасанды интеллект, медицина, экология, цифрлық білім беру және әлеуметтік қолдау салаларындағы жобаларды ұсынды.

​1-орын — Back on Track: Пернехан Нұргүл мектеп оқушыларының оқуын ұйымдастыруға және академиялық қалпына келуіне арналған AI-платформаны әзірледі. Сервис оқу материалдарын, дедлайндарды және оқушыларға оқу тақырыптарын түсінуге әрі оқу ырғағына оралуға көмектесетін AI-көмекшіні біріктіреді.

​2-орын — AuraLink: Амелия Валитова аутизм спектрі бұзылған адамдардың эмоционалдық жағдайын мониторингтеудің интеллектуалды жүйесін ұсынды. Шешім физиологиялық датчиктері бар киілетін құрылғыны және AI-алгоритмдерді біріктіреді.

​3-орын — GovLens AI: Ратмир Вдовенко мен Олег Сон Қазақстанның мемлекеттік сатып алуларын талдауға арналған AI-платформаны әзірледі. Жүйе бизнеске қолайлы тендерлерді табуға, жеңіске жету ықтималдығын бағалауға және ықтимал сыбайлас жемқорлық тәуекелдерін анықтауға көмектеседі.

Әлеуметтік маңыздылық» арнайы номинациясы — Gentle Mind: Ширин Закирова мен Раяна Бекбенбетова когнитивті жаттығуларды, дене белсенділігін және эмоционалдық мониторингті біріктіретін когнитивті денсаулықты қолдауға арналған AI-платформаны ұсынды.

​2026 жылғы қатысушылардың жобалары дайындықтың, инженерлік ойлаудың және әлеуметтік міндеттерді түсінудің жоғары деңгейін көрсетті, сондай-ақ мектеп стартаптарының әрі қарай дамуы мен ауқымын кеңейту әлеуетін дәлелдеді.

​Жеңімпаздар мен қатысушыларға арналған мүмкіндіктер

Конкурс қорытындысы бойынша 1-ші, 2-ші және 3-ші орын иегерлері, сондай-ақ жекелеген бағалау критерийлері бойынша арнайы номинациялардың жеңімпаздары анықталады.

​Конкурстық комиссия қатысушыларды «TAU-InnoHub» өткізетін акселерация бағдарламаларына қатысу сертификатымен марапаттау туралы шешім қабылдай алады.

​Бұдан бөлек, ректордың шешімімен конкурс жеңімпаздары мен қатысушылары үшін «Тұран-Астана» Университетіне қабылдаудың ерекше тәртібі белгіленуі мүмкін. Осылайша, конкурсқа қатысу — бұл өз идеяңды ұсыну мүмкіндігі ғана емес, сонымен бірге оны әрі қарай дамытуға қолдау алу мүмкіндігі.

​Конкурстық комиссия

Қатысушылардың жобаларын келесі құрамдағы сарапшылар комиссиясы бағалайды:

​Смоилов Самат Жұмағалиұлы — комиссия төрағасы, ғылым және коммерцияландыру жөніндегі проректор;

​Аимкулов Рахат Ашкенович — Бизнес және цифрлық технологиялар жоғары мектебінің деканы;

​Нарбинова Миргуль Майдановна — Құқық және гуманитарлық ғылымдар жоғары мектебінің деканы;

​Айтжанова Томирис Едиловна — Халықаралық ынтымақтастық департаментінің директоры;

​Филиппи Карина — 2025 жылғы «TAU Startup Battle» студенттік стартап-жобалар конкурсының жеңімпазы;

​Сымбат Дамир — 2025 жылғы «TAU Startup Funding Challenge» студенттік стартаптарды іске асыруға гранттар бөлу конкурсының жеңімпазы.

​Сенің идеяң стартапқа айналуы мүмкін

Өнімнің, сервистің немесе технологияның идеясы бар ма? Мәселені көріп, оны қалай шешуді білесің бе? Идеяны жобаға айналдыр, оны сарапшыларға ұсын және жеке стартапыңа алғашқы қадам жаса.

​Ойлап тап. Әзірле. Ұсын. Дамыт.

​Қатысушылар үшін ең бастысы:

​Қатысушылар: 10–11 (12) сынып оқушылары; комиссия шешімімен — 8–9 сыныптар.

​Формат: жеке немесе командада.

​Не дайындау керек: команда туралы мәліметтер, 1–2 бетке жобаның сипаттамасы және презентация.

​Материалдар мына электронды пошта арқылы қабылданады: k.shebeko@tau-edu.kz

​Өтінім берудің соңғы мерзімі: 2027 жылғы 15 наурыз.

​Жобаны қорғау: 7 минутқа дейін.

​   

«TAU-InnoHub School» — мектеп идеялары болашақтың стартаптарына айналатын кеңістік.