Инклюзивті көрмелер – ТДМ-ға қол жеткізу алаңы

БҰҰ-ның Тұрақты даму мақсаттарына (ТДМ) қол жеткізу психология және әлеуметтік-гуманитарлық пәндер кафедрасы студенттерінің қоғамдық және мәдени іс-шараларға қатысуының маңызды бағыты болып табылады. Осы орайда, студенттер 2025 жылғы 3 желтоқсанда «Тұран-Астана» университетінде Халықаралық мүгедектер күніне орай ұйымдастырылған «Жүрекпен көру: табиғат саусақ ұшында» атты ЭКОАРТ-көрмесіне және «Қазақстандағы ақша айналымының тарихы: үш дәуір — бір ел» атты нумизматикалық көрмеге белсенді қатысты.

ТДМ 4 — «Сапалы білім» аясында студенттер барлық қатысушылар үшін білім мен шығармашылық тәжірибелерге тең қолжетімділікті қамтамасыз ететін инклюзивті білім беру және мәдени ортаны қалыптастыруға ықпал етті. Көрмелерді ұйымдастыру және өткізу процесіне қатысу арқылы олар бейресми білім беру мүмкіндіктерін кеңейтіп, инклюзивті мәдениетті дамытуға өз үлестерін қосты.

Сонымен қатар, ТДМ 10 — «Теңсіздікті азайту» мақсаттарына сәйкес, білім алушылар мүмкіндігі шектеулі жандарды қолдауға бағытталған бастамаларға белсенді қатысып, қоғамда толеранттылықты қалыптастыруға және әлеуметтік әділеттілік қағидаларын нығайтуға ықпал етті.

ТДМ 17 — «Тұрақты даму мақсаттары үшін серіктестік» бағыты да маңызды орын алды. Бұл бағыт «Менің көзқарасым» қоғамдық бірлестігімен, ЕҰУ-дың инклюзивті қолдау орталығымен және «Көмек» волонтерлік клубымен тиімді ынтымақтастық арқылы жүзеге асырылды.

Осылайша, кафедра студенттерінің қатысуы тек әлеуметтік маңызы бар іс-шараларды өткізудегі маңызды үлес қана емес, сонымен қатар инклюзивті әрі әділ қоғам қалыптастыруға бағытталған тұрақты дамудың жаһандық мақсаттарын тәжірибе жүзінде жүзеге асырудың нақты көрінісі болып табылады.