«Наурызнама» онкүндігі аясындағы Шаңырақ күні: TAU студенттерінің қайырымдылық триумфы
Жалпыұлттық «Наурызнама» онкүндігі аясында «Тұран-Астана» университетінің студенттері Шаңырақ күніне орайластырылған айтулы қайырымдылық іс-шарасын өткізді. Университеттің шығармашылық десанты Астана қаласы әкімдігінің «Шарапат» әлеуметтік қызмет көрсету орталығы» МКҚК қамқорлығындағы қарттарға мерекелік концерт сыйлады. Наурыз күнтізбесіндегі Шаңырақ күні отбасылық бірлікті, шаңырақ берекесін және жақындарға деген шынайы қамқорлықты дәріптейді. «Шарапат» орталығындағы концерт жастық жігер мен аға буынның даналығын тоғыстырып, осы құндылықтардың жарқын көрінісіне айналды. Студентер «Жүректен жүрекке» атты бай көркемдік бағдарлама дайындап, онда домбыраның күмбірлеген үні, вокалдық нөмірлер мен әсерлі хореографиялық қойылымдар үйлесім тапты.
Кештің басты нәтижесі - рухани жылулық атмосферасы болды: қатысушылар тек сахнада өнер көрсетіп қана қоймай, әрбір қонаққа ерекше назар аударып, шынайы ілтипат білдірді. «Тұран-Астана» университеті үшін мұндай бастамалар жастардың әлеуметтік интеллектісі мен азаматтық жауапкершілігін қалыптастыру жөніндегі білім беру стратегиясының ажырамас бөлігі болып табылады. Наурыз мейрамы кезінде қайырымдылық шараларын өткізу - ұрпақтар сабақтастығын нығайтуға және мейірімділік құндылықтарын дәріптеуге бағытталған TAU-дың игі дәстүрі.
Мекеме әкімшілігі студенттерге көрсеткен бастамалары, ықыласы мен орталық қамқорлығындағы жандардың өміріне қосқан зор үлесі үшін терең алғысын білдірді.
