«SorpaLab» жаңа стартапы «Тұран-Астана» университетінің акселерациялық бағдарламасына қосылды

«Тұран-Астана» университеті кәсіпкерлік экожүйесін дамытуды және студенттік инновацияларды қолдауды жалғастыруда. Ғылым және коммерцияландыру жөніндегі проректор С. Ж. Смоилов профильдік кафедраның «SorpaLab» стартапын TAU-InnoHub акселерациялық бағдарламасына енгізу жөніндегі шешімін бекітті.

«SorpaLab» стартапы туралы

Құрылтайшылары (TAU студенттері):
• Сымбат Дамир
• Акмурзаев Батырбек

Жобаның идеясы:
«SorpaLab» қызмет көрсету және қоғамдық тамақтану саласындағы кәсіпорындарға арналған цифрлық шешімдер әзірлейді. Өнім мейрамханаларға, кафе мен сервис компанияларына клиенттермен өзара әрекеттестікті автоматтандыруға, қызмет көрсету сапасын жақсартуға және ішкі процестердің тиімділігін арттыруға көмектеседі.

Нысаналы аудитория:
қоғамдық тамақтану орындары және шағын және орта бизнес сегментіндегі (B2B) сервис ұйымдары.

Инновациялар мен бәсекелік артықшылықтар

Жоба заманауи технологиялық тәсілдерді қолданады:
• әртүрлі форматтағы мекемелерге бейімделетін модульдік архитектура;
• ыңғайлы әрі интуитивті интерфейс;
• қолданыстағы IT-жүйелермен оңай интеграция.

Команда MVP әзірлеуді аяқтап, бастапқы тестілеуді жүргізіп жатыр.

TAU-InnoHub акселерациялық бағдарламасы аясындағы жоспарлар

Қатысудың мақсаттары:
• өнімді оңтайландыру және жетілдіру;
• масштабтауға дайындық;
• серіктестік желіні кеңейту;
• өңірлік нарықтарға шығу.

Жобаға көрсетілетін қолдау:
• өнімді дамыту бойынша сараптамалық консультациялар;
• бизнес-модель және маркетинг бойынша сүйемелдеу;
• өнімді кең нарыққа шығаруға дайындауға көмек;
• Серікбаева Б. М.-ның менторлық қолдауы.

«Тұран-Астана» университеті «SorpaLab» командасын жаңа даму кезеңімен құттықтап, акселерациялық бағдарламада табысты жұмыс тілейді!