«ТҰРАН-АСТАНА» УНИВЕРСИТЕТІНІҢ ТҮЛЕГІ ЕЛОРДА ПРОКУРАТУРАСЫН БАСҚАРДЫ
«Тұран-Астана» университетінің ұжымы магистратура түлегі Мұқанов Ғабит Қасымбекұлын Астана қаласының Прокуроры лауазымына тағайындалуымен құттықтайды.
Ғабит Қасымбекұлы біздің университетте «Мемлекеттік және жергілікті басқару» білім беру бағдарламасы бойынша оқуын сәтті аяқтаған. Стратегиялық менеджмент және мемлекеттік аудит саласында алған құзыреттіліктері оның прокуратура органдарындағы көпжылдық тәжірибесінің маңызды толықтырушысына айналды.
Біздің жоғары оқу орны түлегінің мұндай жоғары деңгейдегі лауазымға тағайындалуы білім беру бағдарламаларының сапасын және «Тұран-Астана» қабырғасында даярланған мамандарға деген жоғары сұранысты дәлелдейді. Университет өз миссиясын — Қазақстан Республикасының мемлекеттік аппараты мен құқық қорғау жүйесі үшін кәсіби кадрлық резервті қалыптастыруды жалғастыруда.
Қызмет еткен жылдары Ғабит Қасымбекұлы өзін білікті заңгер және тиімді басшы ретінде көрсете білді. Оның елорда прокуроры болып тағайындалуы — кәсіби шеберлігі мен мемлекет мүддесіне адалдығының белгісі.
Университет ұжымы, профессор-оқытушылар құрамы және студенттер Ғабит Қасымбекұлына еліміздің бас қаласында заңдылық пен құқықтық тәртіпті қамтамасыз етудегі жауапты қызметіне табыс тілейді.
