Университет студенттері академиялық ұтқырлық бағдарламасы аясында білім алуға жіберілді

Университеттің бұйрығына сәйкес «Мейрамхана және қонақ үй ісі» білім беру бағдарламасының РиГБ-24-2 тобының студенттері сыртқы академиялық ұтқырлық бағдарламасы бойынша оқуға жіберілді.

Студенттер Ешимкенова Дану Армановна және Жакия Элмина Болатқызы 2026 жылдың 23 ақпанынан 30 маусымына дейін бір академиялық кезең ішінде Pomor University университетінде (Польша, Слупск қаласы) білім алуда.

Оқу сыртқы академиялық ұтқырлық бағдарламасы аясында жүзеге асырылады. Бұл бағдарлама студенттерге халықаралық білім беру тәжірибесін алуға, кәсіби құзыреттерін кеңейтуге, Еуропаның білім беру жүйесімен және басқа елдің мәдениетімен танысуға мүмкіндік береді.

Академиялық ұтқырлық бағдарламаларына қатысу университеттің интернационалдандыру саясатының маңызды бөлігі болып табылады және туризм мен қонақжайлылық саласында бәсекеге қабілетті мамандар даярлауға ықпал етеді.

Студенттерімізге табысты оқу, жаңа білім, жарқын әсерлер және нәтижелі халықаралық тәжірибе тілейміз!