ЖИ дәуіріндегі алаяқтық: «Тұран-Астана» университетінде цифрлық қауіп-қатерлер талқыланды
Кеше «Тұран-Астана» университетінде жыл сайынғы «Ғылым апталығы» аясында «Жасанды интеллект дәуіріндегі алаяқтық» тақырыбында тренинг-семинар өтті. Шараға «Юриспруденция» білім беру бағдарламасының 3-курс студенттері қатысты.
Семинар жалпыұлттық «Заң мен Тәртіп» тұжырымдамасын іске асыру шеңберінде және БҰҰ-ның Тұрақты даму мақсаттарына (ТДМ 16: Бейбітшілік, сот төрелігі және тиімді институттар) сәйкес ұйымдастырылды. Кездесудің басты міндеті — болашақ заңгерлердің құқықтық сауаттылығын арттыру және цифрлық гигиена дағдыларын қалыптастыру болды.
Алғы сөзді ғылым және инновациялар жөніндегі проректор, з.ғ.к. С.Ж. Смоилов алды. Ол жасанды интеллектінің қарқынды дамуы тек мүмкіндіктер ғана емес, сонымен қатар жаңа тәуекелдер де тудыратынын атап өтті. Проректордың пікірінше, заманауи заңгер азаматтардың мүдделерін тиімді қорғау үшін цифрлық қауіп-қатерлерге жедел құқықтық баға бере білуі тиіс.
Тренингтің негізгі бөлімін кафедра доценті, з.ғ.к. Ұ.С. Серімов жүргізді. Ол Deepfake технологиялары мен ЖИ алгоритмдерінің көмегімен жасалатын құқық бұзушылықтарға терең талдау жасады. Сарапшы мына мәселелерге егжей-тегжейлі тоқталды:
кибер-алаяқтықтың алдын алу механизмдері;
дербес деректерді қорғаудың құқықтық тәсілдері;
жоғары технологиялық қауіп-қатерлерге тап болған кездегі іс-қимыл алгоритмдері.
Шара интерактивті форматта өтті. Студенттер нақты кейстерді талдап, цифрлық ортадағы манипуляцияларды тануды үйренді және IT-қылмыстарды саралау бойынша практикалық тапсырмаларды орындады.
Семинар қорытындысы көрсеткендей, сыни ойлауды дамыту және цифрландыру сын-қатерлеріне бейімделу - жаңа буын мамандарын даярлаудың негізі болып табылады. Алынған білім болашақ мамандарға тек оқуда ғана емес, сонымен қатар қазіргі қоғамда заңдылық принциптерін нығайту бойынша кәсіби қызметтерінде де зор септігін тигізеді.
