Иргебаева Назиля Мұқатайқызы 1971 жылы Абай атындағы Қазақ педагогикалық институтын жаратылыстану-география факультеті бойынша биология және химия пәндерінің мұғалімі мамандығы бойынша бітірген.
1971–1974 жылдары Абай атындағы ҚазПИ-дің Педагогика кафедрасында жұмыс істеді.
1974–1982 жылдары Н.К. Крупская атындағы Семей мемлекеттік институтының педагогика және психология кафедрасында ассистент қызметін атқарды.
1980–1982 жылдары Мәскеу қаласындағы Ленин атындағы институтта жоғары мектеп педагогикасы және психологиясы кафедрасында тағылымдамадан өтті.
1982–1985 жылдары Алматы қаласындағы Ы. Алтынсарин атындағы ғылыми-зерттеу институтында жұмыс істеді. 1985–1990 жылдары Қазақ мемлекеттік қыздар педагогикалық институтының психология кафедрасында аға оқытушы және доцент қызметін атқарды.
1991–1992 жылдары Алматы қаласындағы Біліктілікті арттыру институты директорының орынбасары болып қызмет атқарып, Абай атындағы Алматы мемлекеттік университетінде психология пәнінен сабақ берді.
1993 жылы Алматы қаласындағы Ы. Алтынсарин атындағы Білім проблемалары институтында ғылым жөніндегі директордың орынбасары қызметін атқарды.
1994–2007 жылдары Қазақстан Республикасы Білім және ғылым министрлігінде жұмыс істеді.
2007–2016 жылдары Л.Н. Гумилев атындағы Еуразия ұлттық университетінің психология кафедрасында доцент қызметін атқарды.
2017 жылдан бастап қазіргі уақытқа дейін «Тұран-Астана» университетінің психология және әлеуметтік-гуманитарлық пәндер кафедрасында доцент болып қызмет атқарады.
Ғылыми дәрежелері мен біліктілігі
Абай атындағы ҚазПИ-ді үздік дипломмен бітіргені туралы диплом №140889, Алматы, 30.06.1971, тіркеу №1491.
Педагогика ғылымдарының кандидаты дипломы №007872, Мәскеу, 30 қазан 1985 ж.
Доцент аттестаты №031975, Мәскеу, 27 қыркүйек 1990 ж.
Scopus базасындағы жарияланымдар
Білім беру сапасын басқарудың студенттердің адам капиталына әсері, ESPACIOS, 2018.
Әртүрлі этникалық топтар арасында толеранттылықты қалыптастыру әл-ауқатты арттырудың жолы ретінде.
Жоғары оқу орындары оқытушыларының мониторинг дағдыларын қалыптастыру моделі, 2023.
Ағылшын тілін шет тілі ретінде оқытуда жасанды интеллектті қолдануға арналған этикалық құзыреттерді қалыптастыру, Qubahan Academic Journal, 2024.
Жаһандану жағдайында студенттердің азаматтық-патриоттық тәрбиесін әдістемелік негіздеу, 2025.
Психология студенттеріндегі эмоциялық күйзеліс және оны когнитивті-мінез-құлықтық терапия арқылы түзету, 2026.
Марапаттары
Қазақстан Республикасы Білім және ғылым министрлігінің Құрмет грамотасы, 1998 ж.
Білім және ғылым қызметкерлері кәсіптік одағының Нұр-Сұлтан қаласы мен Ақмола облысы ұйымының Құрмет грамотасы, 2021 ж.
Ректордың Алғыс хаттары.