Тәрбие жұмысы

Тәрбие жұмысы

Тәрбие жұмысы

«Әлеуметтік-гуманитарлық және тілдік пәндер» кафедрасының тәрбие жұмысы «Аударма ісі», «Қазақ тілі және әдебиеті» мамандықтарында оқитын барлық студенттер арасында ұйымдастырылады. Тәрбие жұмысы куратор мен студенттің өзара ынтымақтастығы негізінде жүзеге асырылады. Студенттермен білім алу процесінде ғана емес, оқудан тыс уақытта да тәрбие жұмыстары жүргізіледі. Куратор – негізгі тұлға болып табылады, ол студенттерді бақылап, тәжірибесін үйретіп, қамқорлығына алып, ықпал етеді, студенттердің алға ұмтылуы мен дамуына жауап береді. Тәрбие жұмысының нәтижесі бірден байқалмайды,   алайда тәрбие – оқу жұмысы секілді, бірінен соң бірі жүзеге асырылатын іс-шаралардың жиынтығынан тұрады. Біздің кафедрамыздың әрбір оқытушысы бір топқа  жетекшілік жасайды. 

Куратор қызметі құрылымдық-қисындық үлгіге сәйкес құрылады:

Тәрбие жұмысының міндеті – Университетте студенттің өздігінен дамуына жол ашу, оған жағдай жасау. Кураторлық сағаттарды ұйымдастыру арқылы бірінші курс студенттері жаңа ортада тез бейімделу мүмкіндіктеріне ие,  ең бастысы,  студенттің өз университетіне деген сүйіспеншілігі оянып,  оның жылдар бойы қалыптасқан дәстүрлерімен таныса бастайды. Кураторлар студенттерге темекі шегу, нашақорлық пен АИТВ-инфекциясының алдын алу деген өзекті тақырыптар аясында лекциялар мен әңгімелер өткізеді.

Белгілі бір жоспармен жүзеге асырылатын тәрбие жұмыстары «Тұран-Астана» университеті студенттерінің сыни ойлау қабілеттерінің дамуына, оқуға деген ынталарының артуына ықпал етеді және олардың бос уақыттарын университетте өткізулеріне жағдай жасайды. Кафедрада «Рухани жаңғыру» және «Speaking club» студенттік клубтар және ағылшын тіліндегі «Discovery» театры құрылып, бүгінде қызмет етуде.

«Discovery» – ағылшын тіліндегі студенттік театр, спорт командалары, қайырымдылық ұйымдар. Бұл – тұлғаның жеке және ұжымда шығармашылықпен дамуына жол ашатын үйірме. «Discovery» – ағылшын тіліндегі студенттік театры әр сейсенбі сайын өткізіледі (А 302 ауд.).

Театр өнері – студенттің рухани-адамгершілік дамуына ықпал етеді, оның мүмкіндігі шексіз.   Әртіс-орындаушы рөліндегі студент әлемді көркемдік-шығармашылық тұрғыдан танудың барлық кезеңдерінен өтеді, ол дегеніміз –   адамның  іс-әрекеті мен ой-әрекетінің мәні жайлы,  қоршаған орта мен адамның қарым-қатынасы, оның қоғамдағы орны, көрерменнің көзқарасы және өмірдегі  ең маңызды әрі қымбат түсініктерді ой елегінен өткізеді.  

«Рухани жаңғыру» клубының жұмысы жастардың рухани және шығармашылық дамуына бағытталған. Танымал тұлғалар: ғалымдар, өнер саласының қызметкерлері және Қазақстан Республикасының қоғамдық қайраткерлерімен кездесулер және зияткерлік ойындар жүйелі түрде ұйымдастырылады. Қазақстан Республикасының атаулы күндеріне орай әртүрлі көпшілік-мәдени шаралар өткізіледі.

Студенттердің әлеуметтенуін, белсенділігін қалыптастыру және өз жұмысын  сыни тұрғыдан бағалауға үйрету мақсатында университетте «Мен – көшбасшымын» жобасы іске қосылған. Жобадан күтілетін нәтиже: қосымша дағдыларды үйрену, бұрыннан таныс емес жұмысты орындау, жоспарлай білу, топпен жұмыс істеуге үйрету. Студенттер аталмыш жоба аясында 30 сағат жұмыс істейді. Бұл іс-шара жеке волонтерлік жұмысты орындау жайлы есептерді жазған кезде студенттердің сыни ойлау қабілеттерін дамытуға жағдай жасайды.

 




02/11/2020 ЖҰМЫС БЕРУШІЛЕРМЕН КЕЗДЕСУ

Бүгін «Тұран-Астана» университеті Әлеуметтік-гуманитарлық және тілдік пәндер кафедрасы мен Нұр-сұлтан қаласындағы № 26 орта мектебі  арасында онлайн форматта кездесу өткізілді. Кафедра аталмыш мектеппен тығыз қарым-қатынас орнатып, түлектерді жұмысқа орналастыру, студенттерді өндірістік іс-тәжірибеге қабылдау сияқты мәселелерді талқылап, бірлесе жұмыс атқаруда. Кездесу барысында студенттер сауалдар қойып, бірқатар сұрақтарына жауаптар алды.

Сонымен қатар кафедра меңгерушісі, профессор Кәріпжанова Гүлназ Төкенқызы ғылыми жұмыс жазудың ерекшеліктері туралы сөз қозғады. Атап айтқанда, ғылыми жоба жазу барысында оқушылар мен мұғалімдер кез  болатын тақырып таңдау, теория мен практиканы ұштастыру, тақырыптың өзектілігі, проблеманы жеткізудегі автордың ұстанымы, ұлттық құндылықтарды дәріптеу сияқты айтарлықтай маңызы зор мәселелер қозғалды. Әсіресе, тақырып таңдаудағы олқылықтарға ерекше көңіл бөлінді. Яғни тақырып аясы тым ауқымды болған сайын оқушыға да, мұғалімге де оны дәлелдеу қиынға түспек. Демек, зерттеу нысанына алынатын мәселе нақты әрі өзекті болу керек. Сөз соңында ұстаздар қауымы өздерін қызықтырған сұрақтарын қойып, Г.Төкенқызынан тұщымды жауаптар алды.

Білім беру ісінде мектеп пен ЖОО арасындағы байланыс әр кезде де маңызды. Осылайша өзара әдістемелік және ғылыми байланыста болып, бірлесе атқарған жұмыс әрқашан да нәтижесін беретіні сөзсіз.

 

Контакт - центр