Профессор, кафедра меңгерушісі, филология ғылымдарының кандидаты
1970 жылғы 18 шілдеде Шығыс Қазақстан облысының Семей қаласында дүниеге келген.
1993 жылы Семей мемлекеттік педагогикалық институтын «Қазақ тілі мен әдебиеті пәнінің оқытушысы» мамандығы бойынша аяқтаған.
Еңбек жолын 1993 жылы Семей зоотехникалық-ветеринарлық институтының «Тілдер» кафедрасының оқытушысы ретінде бастады.
1996–2002 жылдары Шәкәрім атындағы Семей педагогикалық институтында оқытушы болды.
2002–2004 жылдары Абай атындағы Алматы педагогикалық университетінің «Жалпы тіл білімі» кафедрасында тағылымдамадан өтті.
2004–2005 жылдары Шәкәрім атындағы Семей мемлекеттік университеті филология факультеті деканының ғылыми жұмыстар жөніндегі орынбасары қызметін атқарды.
2005–2007 жылдары Павлодар мемлекеттік педагогикалық институтында қазақ тілі, оны оқыту әдістемесі және журналистика бағыттары бойынша академиялық қызметтер атқарды.
2007–2009 жылдары Павлодар қаласындағы Инновациялық Еуразия университетінде қызмет атқарды.
2009–2018 жылдары С. Торайғыров атындағы Павлодар мемлекеттік университетінің қазақ филологиясы кафедрасының профессоры болды.
2013–2015 жылдары гуманитарлық-педагогикалық факультет деканының орынбасары қызметін атқарды.
2018–2022 жылдары «Тұран-Астана» университетінің әлеуметтік-гуманитарлық және тілдік пәндер кафедрасының профессоры болды. 2019–2022 жылдары аталған кафедраны басқарды.
2022–2025 жылдары Шайсұлтан Шаяхметов атындағы «Тіл-Қазына» ұлттық ғылыми-практикалық орталығының қолданбалы лингвистика бөлімінде жетекші ғылыми қызметкер болып жұмыс істеді.
Негізгі ғылыми нәтижелері: 100-ден астам ғылыми жарияланымның авторы. Оның ішінде уәкілетті орган ұсынған басылымдарда 38 мақала, Scopus және Web of Science дерекқорларына кіретін журналдарда 9 мақала, басқа ғылыми басылымдарда 8 жарияланым, 2 монография, 4 ұжымдық монография, 4 жеке оқу құралы, 8 авторлық бірлестіктегі оқу құралы және 5 электрондық оқу құралы жарық көрген.
Марапаттары: 2011 жылы «ЖОО-ның үздік оқытушысы» грантының иегері атанды. 2023 жылы Қазақстан Республикасы Оқу-ағарту министрлігінің Құрмет грамотасымен марапатталды. 2024 жылы «Ғылымды дамытуға қосқан үлесі үшін» орденінің иегері атанды. 2024 жылы Қазақстан Республикасы Ұлттық ғылым академиясының Қаныш Сәтбаевтың 125 жылдығына арналған мерейтойлық медалімен және Қостанай облысы әкімінің Ахмет Байтұрсынұлының 150 жылдығына арналған медалімен марапатталды.
Қазіргі уақытта «Тұран-Астана» университетінің «Тілдік коммуникация және әлеуметтік-гуманитарлық пәндер» кафедрасының меңгерушісі.
